ფრანკფურტი – დაგეგმე სრულყოფილი მოგზაურობა

ფრანკფურტის აეროპორტთან ახლოს დარჩენა მოგზაურობას უფრო მარტივს და კომფორტულს გახდის. აეროპორტის მიმდებარე ტერიტორიაზე ნახავთ მშვიდ უბნებს, რომლებიც იდეალურია დასვენებისთვის.

ეს არის ქალაქის ისტორიული გული, სადაც ნახავთ ფრანკფურტის ცნობილ შენობებს, მათ შორის რომერსბერგს (Römerberg). აქ მრავლადაა ტრადიციული გერმანული რესტორნები, ბარები და მაღაზიები.

საუკეთესოა მათთვის, ვისაც სურს, რომ ქალაქის გულში იყოს, ისტორიული ატმოსფერო შეიგრძნოს და ყველა მთავარი ღირსშესანიშნაობა ფეხით მოინახულოს.

ეს არის მყუდრო უბანი, რომელიც მდინარე მაინის სამხრეთ ნაპირზე მდებარეობს. აქ უამრავი ტრადიციული ებელვაინის (ვაშლის ღვინის) სახლი, ბარი და რესტორანია.

კარგი არჩევანია მათთვის, ვისაც სურს ადგილობრივი ცხოვრება უკეთ გაიცნოს, დააგემოვნოს ტრადიციული კერძები და დატკბეს ღამის ცხოვრებით.

ეს ფრანკფურტის სავაჭრო და ფინანსური ცენტრია. აქ მდებარეობს ცნობილი სავაჭრო ქუჩა ზეილი (Zeil), ასევე უამრავი სავაჭრო ცენტრი, სასტუმრო და რესტორანი.

საუკეთესოა შოპინგის მოყვარულებისთვის და მათთვის, ვისაც თანამედროვე ქალაქის რიტმში ყოფნა ურჩევნია. ეს უბანი კარგად არის დაკავშირებული ტრანსპორტის სხვადასხვა სახეობასთან.

დასავლეთ უბანი ცნობილია თავისი დახვეწილი და მშვიდი ატმოსფეროთი. აქ ნახავთ ელეგანტურ ვილებს, ლამაზ პარკებსა და მაღალი დონის რესტორნებს.

საუკეთესოა მათთვის, ვინც უფრო მშვიდ და ძვირადღირებულ დასვენებას ეძებს.

ეს არის ფრანკფურტის ისტორიული მოედანი და ქალაქის გული. მოედანი გარშემორტყმულია შუა საუკუნეების შენობებით, მათ შორის რომერის (Römer), რომელიც ქალაქის მერიის ფუნქციას ასრულებს. ეს იდეალური ადგილია სასეირნოდ და ქალაქის ისტორიული სულის შესაგრძნობად.

ხელოვნების მოყვარულთათვის შტედელის მუზეუმი სამოთხეა. მუზეუმში წარმოდგენილია ევროპული ხელოვნების 700 წელზე მეტი ხნის ისტორია, შუა საუკუნეებიდან თანამედროვე პერიოდამდე. აქ ნახავთ ისეთი ცნობილი მხატვრების ნამუშევრებს, როგორებიც არიან: რემბრანდტი, ბოტიჩელი, მონე, პიკასო და სხვები.

თუ დასვენება და ბუნებასთან განმარტოება გიყვართ, ეწვიეთ პალმენგარტენს, რომელიც ფრანკფურტის უდიდესი ბოტანიკური ბაღია. აქ ნახავთ ტროპიკულ მცენარეებს, პალმებს, ორქიდეებს და სხვა ეგზოტიკურ სახეობებს. ეს იდეალური ადგილია სასიამოვნო სეირნობისთვის.

თუ ქალაქის პანორამული ხედების ნახვა გსურთ, ეწვიეთ მაინის კოშკს. ის ერთადერთი ცათამბჯენია, რომელსაც აქვს ღია სადამკვირვებლო პლატფორმა. აქედან იშლება ფრანკფურტის ფინანსური რაიონის, მდინარე მაინისა და ქალაქის ძველი ნაწილის ულამაზესი ხედები.

მდინარე მაინის სამხრეთ ნაპირზე მდებარე ეს უბანი ცნობილია თავისი ტრადიციული ებელვაინის (ვაშლის ღვინის) სახლებით, სადაც შეგიძლიათ დააგემოვნოთ ადგილობრივი კერძები და სასმელები. ეს არის საუკეთესო ადგილი, რომ ადგილობრივი კულტურის ნაწილი გახდეთ.

Apfelwein Wagner: თუ გსურთ, რომ ნამდვილი გერმანული ატმოსფერო შეიგრძნოთ, ეწვიეთ ამ რესტორანს. ის ცნობილია თავისი ებელვაინით (ვაშლის ღვინო) და ტრადიციული ფრანკფურტული კერძებით. აქ შეგიძლიათ დააგემოვნოთ მწვანე სოუსი (Frankfurter Grüne Soße) და შნიცელი.

Adolf Wagner: ეს კიდევ ერთი პოპულარული ადგილია, რომელიც ასევე სპეციალიზდება ტრადიციულ ფრანკფურტულ სამზარეულოსა და ებელვაინზე. აქ ყოველთვის ხალხმრავლობაა, რაც ადგილის ავთენტურობაზე მიუთითებს.

Frankfurter Würstchen: არ დატოვოთ ფრანკფურტი ისე, რომ არ დააგემოვნოთ ტრადიციული გერმანული ძეხვი. შეგიძლიათ იპოვოთ ქუჩის დახლებზე ან პატარა კვების ობიექტებში.

Imbiss Stände: ქალაქის მასშტაბით უამრავი პატარა დახლია, სადაც შეგიძლიათ დააგემოვნოთ კურის ძეხვი (Currywurst) ან სხვადასხვა სახის სენდვიჩები.

ფრანკფურტერი ქალაქის ტიპური კერძია და ფრანკფურტის ჰოთდოგი ტურისტებისთვის ხშირად სასიამოვნო აღმოჩენა ხდება. საუკეთესო ფრანკფურტერის დასაგემოვნებლად ეწვიეთ Fichtekränzi-ს, რომელიც ადგილობრივების ერთ-ერთი საყვარელი ადგილია. თუ გსურთ, რომ ნამდვილი ფრანკფურტული გამოცდილება მიიღოთ, ეს კვების ობიექტი აუცილებლად უნდა მოინახულოთ.

Kleinmarkthalle: ეს არის დახურული ბაზარი, სადაც ნახავთ უამრავ პატარა სტენდს, რომელიც სხვადასხვა სახის კერძებს გვთავაზობს. აქ შეგიძლიათ დააგემოვნოთ როგორც გერმანული ძეხვეული, ისე იტალიური, თურქული და აზიური კერძები. იდეალური ადგილია სწრაფი და გემრიელი ლანჩისთვის.

Mainkai Cafe: თუ გსურთ, მდინარის ხედებით დატკბეთ, ეს კაფე საუკეთესო არჩევანია. აქ შეგიძლიათ ისიამოვნოთ ყავით, დესერტებითა და მცირე კერძებით.

Seven Swans: ეს რესტორანი მდინარე მაინის შესანიშნავი ხედებით გამოირჩევა და განთავსებულია ქალაქის ყველაზე ვიწრო, შვიდსართულიან შენობაში. აქ შემოგთავაზებენ 100%-ით ვეგანურ მენიუს, რომელიც მხოლოდ ორგანული და ეკოლოგიურად სუფთა, რეგიონული ინგრედიენტებით მზადდება.

MAIN TOWER Restaurant & Lounge: ეს ელეგანტური რესტორანი ფრანკფურტის შუაგულში, მაინის კოშკის 53-ე სართულზე მდებარეობს. თუ ფანჯარასთან მაგიდას დაიკავებთ, ქალაქის შთამბეჭდავი პანორამული ხედებით დატკბებით. მენიუში შედის თანამედროვე კერძები აზიური, განსაკუთრებით იაპონური გავლენით. მაგიდის წინასწარი დაჯავშნის შემთხვევაში, მიიღებთ ლიფტის უფასო ბილეთს და ასევე სადამკვირვებლო პლატფორმაზეც მოხვდებით, საიდანაც მთელ ფრანკფურტს ხელის გულზე დაინახავთ.

ეს არის ფრანკფურტის ყველაზე ცნობილი და ხალხმრავალი სავაჭრო ქუჩა. ცაილი არის საცალფეხო ქუჩა, სადაც ნახავთ უამრავ საერთაშორისო და ადგილობრივ ბრენდს, დიდ უნივერმაღებსა და სავაჭრო ცენტრებს. აქ მდებარეობს ცნობილი სავაჭრო მოლი MyZeil, რომელიც თავისი ფუტურისტული შუშის ფასადით გამოირჩევა.

ეს არის დახურული ბაზარი, რომელიც გურმანებისთვის სამოთხეა. აქ ნახავთ 60-ზე მეტ დახლს, სადაც იყიდება ახალი პროდუქტები, ყვავილები, ღვინოები და მზა საკვები. ეს შესანიშნავი ადგილია ადგილობრივი პროდუქციის დასაგემოვნებლად და უნიკალური სუვენირების შესაძენად.

თუ ფუფუნების მოყვარული ხართ, ეს ქუჩა თქვენთვისაა. გოეთეს ქუჩა ფრანკფურტის “ფუფუნების ეპიცენტრია”, სადაც განლაგებულია მსოფლიოს ყველაზე ცნობილი და ექსკლუზიური ბრენდების ბუტიკები, როგორიცაა Gucci, Prada, Louis Vuitton და სხვა.

მდინარის სამხრეთ ნაპირზე მდებარე ეს უბანი გამოირჩევა თავისი განსხვავებული ატმოსფეროთი. აქ შეგიძლიათ მოინახულოთ პატარა, დამოუკიდებელი მაღაზიები, ბუტიკები და ვინტაჟური ტანსაცმლის მაღაზიები. თუ გსურთ, რომ ტურისტულ ბილიკებს მოშორდეთ და ადგილობრივი ცხოვრება შეიგრძნოთ, ზაქსენჰაუზენი შესანიშნავი არჩევანია.

ფრანკფურტის მეტროს სისტემა ორი ძირითადი მიმართულებისგან შედგება: U-Bahn და S-Bahn. U-Bahn მიწისქვეშა მეტროა, რომელიც 90-მდე სადგურს მოიცავს და მატარებლები ყოველ 5-10 წუთში მოძრაობენ. S-Bahn კი მიწისზედა მატარებელია, რომელიც 112 სადგურს ემსახურება და მოძრაობს 15-30 წუთში ერთხელ. ამ ორი სისტემით მგზავრობის საფასური 2-3 ევროს ფარგლებში მერყეობს.

ფრანკფურტში გადაადგილების ერთ-ერთი საუკეთესო საშუალება ველოსიპედია. შეგიძლიათ შეიძინოთ მეორადი ველოსიპედი ან ისარგებლოთ ველოსიპედის გაქირავების პროგრამებით, თუ ის მხოლოდ მცირე ხნით გჭირდებათ. აღსანიშნავია, რომ ველოსიპედით მგზავრობა ფრანკფურტის მეტროში უფასოა, თუმცა პიკის საათებში შესაძლოა უარი გითხრათ.

ფრანკფურტი ნამდვილად ის ქალაქია, რომლის დათვალიერებაც ფეხით არის შესაძლებელი. ფეხით სეირნობისას ბევრ ღირსშესანიშნაობას ნახავთ. მდინარე მაინის ნაპირებთან შეგიძლიათ მთელი დღე ისეირნოთ და ულამაზესი ხედებით დატკბეთ.

ფრანკფურტში შეგიძლიათ ისარგებლოთ როგორც მცირე, ისე გრძელი დისტანციის ავტობუსებით. ერთი მგზავრობის ბილეთის ფასი დაახლოებით 2-3 ევრო ღირს.

ტურისტებისთვის უფრო მომგებიანია ხანგრძლივი დროის ბილეთების შეძენა. თუ ერთი მგზავრობის ბილეთის ფასი 2-3 ევრო ღირს, ერთდღიანი ბილეთი მხოლოდ 7 ევრო დაგიჯდებათ. ასევე, შეგიძლიათ შეიძინოთ ჯგუფური ბილეთი 5 ადამიანისთვის, რომელიც დაახლოებით 14 ევრო ღირს.

პალმენგარტენი ფრანკფურტის ერთ-ერთი ყველაზე ცნობილი ბოტანიკური ბაღია. აქ შეგიძლიათ იმოგზაუროთ ტროპიკული და სუბტროპიკული მცენარეების სამყაროში. პარკი გამოირჩევა უზარმაზარი სათბურებით, ულამაზესი ტბით, სადაც ნავის დაქირავებაც შეგიძლიათ, და სხვადასხვა თემატური ბაღით.

თუ სიმშვიდეს ეძებთ, ბეთმანის პარკი შესანიშნავი არჩევანია. ეს არის პატარა, მაგრამ ძალიან ლამაზი და წყნარი პარკი, რომელიც ცნობილია თავისი ჩინური ბაღით. აქ შეგიძლიათ დატკბეთ აზიური არქიტექტურით, დაისვენოთ და გაექცეთ ქალაქის ხმაურს.

ეს არის ქალაქის უდიდესი პარკი, რომელიც ყოფილი როტშილდების საოჯახო მამულის ტერიტორიაზეა გაშენებული. პარკი იდეალურია პიკნიკისთვის, სირბილისთვის ან უბრალოდ სასეირნოდ. ის გამოირჩევა დიდი გაზონებით, მოვლილი ბილიკებითა და მყუდრო კაფეებით.

ეს პარკი გამოირჩევა თავისი რომანტიკული ატმოსფეროთი. მისი მთავარი ღირსშესანიშნაობაა პატარა, ძველი ციხესიმაგრე და ტბა, რომელიც პარკს განსაკუთრებულ ხიბლს სძენს. ეს მშვიდი ადგილია, სადაც შეგიძლიათ დაისვენოთ და ლამაზი ფოტოები გადაიღოთ.

4-5 დღე საუკეთესო არჩევანია, რათა ფრანკფურტის ძველი და თანამედროვე მხარეები სრულფასოვნად შეიგრძნოთ.

მოგზაურობის დაწყებამდე, აუცილებლად მოამზადეთ დოკუმენტები, პასპორტი და კომფორტული ბალიში. ასევე, არ დაგავიწყდეთ გაჯეტებისა და დამტენების შემოწმება. რადგან ფრანკფურტში ბევრ სიარულს აპირებთ, თან იქონიეთ სპორტული ფეხსაცმელი და კომფორტული ტანსაცმელი. რადგან ფრანკფურტში ხშირად წვიმს, თან აუცილებლად იქონიეთ საწვიმარი ან ქოლგა.

ფრანკფურტი გამორჩეული ქალაქია, რომელიც ევროპის ფინანსურ გულს წარმოადგენს და თანამედროვე ცათამბჯენებს ისტორიულ არქიტექტურასთან აერთიანებს. ის ცნობილია თავისი მდიდარი ისტორიითა და კულტურით. ქალაქის სიმბოლოა რომერბერგის მოედანი, სადაც შუა საუკუნეების სახლები დგას.

ფრანკფურტი ასევე გამოირჩევა თავისი მუზეუმებით, პარკებითა და კულინარიული ტრადიციებით, განსაკუთრებით კი ებელვაინით (ვაშლის ღვინით), რაც მას იდეალურ ადგილად აქცევს როგორც ბიზნესმენებისთვის, ისე ტურისტებისთვის.

ფრანკფურტში მოგზაურობა საკმაოდ ბიუჯეტურია. ქალაქში ბევრი სწრაფი კვების ობიექტი და ხელმისაწვდომი რესტორანი თუ კაფე-ბარია. ასევე, ბევრი ღირსშესანიშნაობა ღია სივრცეში მდებარეობს, ამიტომ მათი ნახვა უფასოდ შეგიძლიათ.

ფრანკფურტი, ისევე როგორც გერმანიის უმეტესი ნაწილი, ზოგადად უსაფრთხო ქალაქად ითვლება ტურისტებისთვის. თუმცა, როგორც ნებისმიერ დიდ და საერთაშორისო ქალაქში, აქაც მნიშვნელოვანია სიფრთხილის გამოჩენა.

ფრანკფურტში სამოგზაუროდ საუკეთესო დრო გაზაფხული (აპრილი-მაისი) და შემოდგომა (სექტემბერი-ოქტომბერი). ამ პერიოდში ამინდი ზომიერი და სასიამოვნოა, რაც იდეალურია ქალაქის დასათვალიერებლად და ღია ცის ქვეშ სასეირნოდ. ამ სეზონზე ტურისტული ნაკადიც შედარებით ნაკლებია, ვიდრე ზაფხულში.

ფრანკფურტთან ყველაზე ახლოს მდებარე აეროპორტია ფრანკფურტის საერთაშორისო აეროპორტი (Frankfurt am Main Airport – FRA). ის ქალაქის ცენტრიდან დაახლოებით 12 კილომეტრში მდებარეობს, რაც მგზავრობას ძალიან სწრაფსა და მარტივს ხდის.

ფრანკფურტის მიმართულებით გაფრენას შეძლებთ საქართველოს სამივე საერთაშორისო აეროპორტიდან: თბილისის და ბათუმის აეროპორტიდან მხოლოდ გადაჯდომით შეძლებთ მგზავრობას. ხოლო ქუთაისიდან კი სრულდება პირდაპირი ფრენები.

თბილისიდან გადაჯდომით ფრენებს ავიაკომპანიები Pegasus, Turkish Airlines და Lufthansa შემოგთავაზებთ. ბათუმიდან – Turkish Airlines. ხოლო ქუთაისიდან კი პირდაპირ ფრენებს Wizz Air ასრულებს.  თუ გეგმავთ ფრანკფურტის მონახულება, ეცადეთ წინასწარ შეიძინოთ იაფი ავიაბილეთები ფრანკფურტში

გირჩევდით, რომ ავიაბილეთები დაჯავშნოთ 1 ან 2 თვით ადრე. ასევე, უმჯობესია ფრენები შეიძინოთ კვირის დღეებში და არა შაბათ-კვირას.