რიგა – დაგეგმე სრულყოფილი მოგზაურობა

საუკეთესო არჩევანია, თუ გსურთ ტურისტულ ღირსშესანიშნაობებთან, რესტორნებსა და კაფეებთან ახლოს ყოფნა. აქ შეხვდებით როგორც ბუტიკ-ჰოტელებს, ისე კომფორტულ აპარტამენტებს.

უფრო მშვიდი და ავთენტური უბანი, სადაც შეგიძლიათ იპოვოთ ბიუჯეტური სასტუმროები და საოჯახო სახლები.

იდეალურია მათთვის, ვინც სურს საზოგადოებრივ ტრანსპორტთან მარტივი წვდომა და თანამედროვე სასტუმროების არჩევანი.

მწვანე და დასასვენებელი ზონა, შესაფერისი ბუნების მოყვარულებისთვის, განსაკუთრებით ზაფხულში.

ქალაქის ერთ-ერთი უძველესი და ყველაზე მნიშვნელოვანი ღირსშესანიშნაობა. ტაძარი ცნობილია თავისი ორგანოთი, რომლის ხმაც მთელ ევროპაშია განთქმული.

რიგის უძველესი საცხოვრებელი სახლების კომპლექსი, რომელიც მე-15-17 საუკუნეებში აშენდა. ის ლატვიური არქიტექტურის განვითარების შესანიშნავი მაგალითია.

ეს ქუჩა არტ ნუვოს ნამდვილი მუზეუმია. აქ შეგიძლიათ ნახოთ არქიტექტორ მიხაილ ეიზენშტეინის მიერ შექმნილი ულამაზესი შენობები, რომლებიც მორთულია სხვადასხვა სკულპტურებითა და ორნამენტებით.

Melngalvju nams (შავთავიანთა სახლი) – შთამბეჭდავი შენობა, რომელიც ქალაქის ერთ-ერთი მთავარი სიმბოლოა. მიუხედავად იმისა, რომ ის მეორე მსოფლიო ომის დროს განადგურდა, სრულად აღადგინეს.

ამ ეკლესიის სამრეკლოდან ქალაქის ულამაზესი პანორამული ხედები იშლება.

Okupācijas muzejs (ოკუპაციის მუზეუმი) – მუზეუმი, რომელიც მოგვითხრობს ლატვიის ისტორიაზე და უცხოური ოკუპაციების (საბჭოთა და ნაცისტური) პერიოდზე.

Latvijas Nacionālais mākslas muzejs (ლატვიის ეროვნული ხელოვნების მუზეუმი) – ლატვიური ხელოვნების უდიდესი საგანძური.

თუ გსურთ, რომ ლატვიის ნამდვილი გემო შეიგრძნოთ, ეწვიეთ ამ ადგილებს:

• Lido Atpūtas Centrs – ეს არის ერთ-ერთი ყველაზე ცნობილი ადგილი რიგაში, სადაც შეგიძლიათ დააგემოვნოთ ტრადიციული ლატვიური კერძები თვითმომსახურების პრინციპით. რესტორანი მდებარეობს დიდ ხის შენობაში და გარშემორტყმულია პარკით.
• Key to Riga – მდებარეობს ძველ ქალაქში და გთავაზობთ ავთენტურ ლატვიურ კერძებს, როგორიცაა ნაცრისფერი ბარდა, შემწვარი კარტოფილი და სხვა. აქ ხშირად იმართება ცოცხალი მუსიკის საღამოებიც.
• Folkklubs Ala Pagrabs – ეს არის პოპულარული ადგილი, განსაკუთრებით ახალგაზრდებს შორის. აქ შეგიძლიათ დააგემოვნოთ ადგილობრივი კერძები და დალიოთ ლატვიური ხელნაკეთი ლუდი, მუსიკისა და ცეკვის ფონზე.

თუ სწრაფ და ხელმისაწვდომ საკვებს ეძებთ, აუცილებლად ეწვიეთ რიგის ცენტრალურ ბაზარს. აქ ნახავთ უამრავ დახლს, სადაც შეგიძლიათ დააგემოვნოთ ახალი თევზი, ხორცი, ყველი და სხვა ადგილობრივი პროდუქტები.

რიგაში უამრავი თანამედროვე რესტორანია, სადაც შეგიძლიათ ევროპული და სკანდინავიური კერძები დააგემოვნოთ:

• Riviera – ხმელთაშუა ზღვის სამზარეულოზე ორიენტირებული რესტორანი, რომელიც მდებარეობს რიგის ცენტრში. აქ შეგიძლიათ დააგემოვნოთ უგემრიელესი ზღვის პროდუქტები და ღვინო.
• Vincents – ეს არის მაღალი კლასის რესტორანი, რომელიც ცნობილია თავისი დახვეწილი კერძებითა და ინოვაციური მიდგომით. ის იდეალურია განსაკუთრებული შემთხვევებისთვის.

ტკბილეულის მოყვარულთათვის რიგაში უამრავი საცხობი და საკონდიტროა.

• Mīkla Bakery – ამ საცხობში ჰაერში დარიჩინისა და ახლად გამომცხვარი კრუასანების სურნელი ტრიალებს. აუცილებლად დააგემოვნეთ აქაური დესერტები.
• Mulberry – ამ საყვარელ კაფეში შეგიძლიათ გემრიელად ისაუზმოთ და მიირთვათ ყოველთვის ახლად გამომცხვარი კრუასანები.

ქალაქის ცენტრში მდებარე თანამედროვე სავაჭრო ცენტრი, სადაც შეგიძლიათ იპოვოთ როგორც საერთაშორისო ბრენდები, ასევე ლატვიელი დიზაინერების მაღაზიები.

ეს სავაჭრო ცენტრი რიგის ცენტრალურ სადგურთან არის დაკავშირებული და იდეალურია მათთვის, ვინც დროის დაზოგვას ცდილობს. აქ შეგიძლიათ შეიძინოთ ტანსაცმელი, ფეხსაცმელი, კოსმეტიკა და სხვადასხვა საყოფაცხოვრებო ნივთები.

თუ ეძებთ უნიკალურ სუვენირებს, რომლებიც ლატვიის კულტურას ასახავს, ეწვიეთ პატარა მაღაზიებსა და ბუტიკებს ძველ ქალაქში. აქ შეგიძლიათ იპოვოთ:

• ქარვის სამკაულები – ლატვია ცნობილია თავისი ქარვით, რომელსაც “ბალტიის ოქროს” ეძახიან.
• ხის ნაკეთობები და კერამიკა – ტრადიციული ლატვიური ხელოვნების ნიმუშები.
• ლატვიური ბალზამი – ცნობილი მწარე ლიქიორი, რომელიც მწვანილებით მზადდება.
• შალის ტანსაცმელი და აქსესუარები – შეგიძლიათ იპოვოთ ლამაზი ხელნაკეთი შარფები და ხელთათმანები.

რიგის ერთ-ერთი ყველაზე დიდი სავაჭრო ცენტრია. აქ უამრავი მაღაზია, რესტორანი, კინოთეატრი და გასართობი სივრცე დაგხვდებათ.

ეს არის ევროპის ერთ-ერთი უდიდესი და უძველესი დახურული ბაზარი, რომელიც იუნესკოს მსოფლიო მემკვიდრეობის ძეგლია. ბაზარი მოთავსებულია ხუთ ძველ დირიჟაბლის ანგარში და აქ შეგიძლიათ შეიძინოთ ახალი პროდუქტები, მათ შორის თევზი, ხორცი, ბოსტნეული და სხვა ადგილობრივი დელიკატესები.

რიგაში გადაადგილებისთვის შეგიძლიათ ისარგებლოთ ავტობუსებით, ტრამვაებითა და ტროლეიბუსებით.

მგზავრობის გადახდა შეგიძლიათ “e-talons” ბარათით, რომლის შეძენაც ნებისმიერ საინფორმაციო კიოსკში, სავაჭრო ცენტრში ან ბილეთების აპარატშია შესაძლებელი. ასევე, არსებობს ერთჯერადი, 24-საათიანი, 3-დღიანი და 5-დღიანი ბილეთები, რაც ტურისტებისთვის მოსახერხებელია.

• 24-საათიანი ბილეთი ღირს EUR 5,00
• 3-დღიანი ბილეთი EUR 8,00
• 5-დღიანი ბილეთი EUR 10,00
• შეგიძლიათ შეიძინოთ 24-საათიანი ბილეთიც.

საზოგადოებრივი ტრანსპორტი ძირითადად დილის 5:30-დან ღამის 11:30 საათამდე მუშაობს. შაბათ-კვირას დადის ღამის ავტობუსებიც.

რიგაში სულ უფრო პოპულარული ხდება ველოსიპედით გადაადგილება. ქალაქში უამრავი ველოსიპედის ბილიკია. შეგიძლიათ იქირაოთ ველოსიპედი და ამ გზით დაათვალიეროთ ქალაქი.

ტაქსი რიგაში შედარებით ხელმისაწვდომია. შეგიძლიათ დაიჭიროთ ქუჩაში ან გამოიყენოთ მობილური აპლიკაციები, როგორიცაა Bolt. ეს განსაკუთრებით მოსახერხებელია, თუ გვიან ღამით გადაადგილება გიწევთ ან ქალაქის სხვადასხვა უბანში სწრაფად გინდათ მოხვედრა.

ძველი ქალაქი იუნესკოს მსოფლიო მემკვიდრეობის ძეგლია და მისი საუკეთესო გზა ფეხით მოვლაა. ბევრი ისტორიული შენობა, კაფე და მაღაზია ერთმანეთთან ახლოს მდებარეობს, რაც საშუალებას გაძლევთ, ქუჩებში მშვიდად და მარტივად ისეირნოთ. ასევე, ფეხით სიარული სასიამოვნოა არტ-ნუვოს უბანში.

ეს არის რიგის ერთ-ერთი უძველესი და ყველაზე პოპულარული პარკი. ის ქალაქის ცენტრში მდებარეობს და შესანიშნავი ადგილია სასეირნოდ და დასასვენებლად. აქ ნახავთ ლამაზ შადრევნებს, ქანდაკებებსა და ყვავილების ბაღებს. პარკში ხშირად იმართება სხვადასხვა ღონისძიება და კონცერტი.

ეს არის რიგის ცენტრთან ახლოს მდებარე დიდი და ლამაზი პარკი, რომელიც გამოირჩევა თავისი უნიკალური ინფრასტრუქტურით. აქ შეგიძლიათ დაისვენოთ გაზონებზე, იაროთ ფართო ბილიკებზე და ნახოთ სხვადასხვა მცენარეები.

ძველი ქალაქის შესასვლელთან მდებარეობს ბასტეიკალნსის პარკი, რომელიც ქალაქის ერთ-ერთი ყველაზე რომანტიკული ადგილია. ის დაყოფილია პატარა ბორცვებით, ხეებითა და ბილიკებით. აქედან იშლება ლამაზი ხედები და შეგიძლიათ დატკბეთ არხზე ნავით გასეირნებით.

თუ ქალაქის ცენტრიდან მოშორებით, დიდ პარკში დასვენება გსურთ, მეჟაპარკი საუკეთესო არჩევანია. ის ტყესა და ტბასთან ახლოს მდებარეობს და იდეალურია პიკნიკისთვის, ველოსიპედით სეირნობისთვის და სირბილისთვის. აქ ასევე მდებარეობს რიგის ზოოპარკი და დიდი ღია საკონცერტო დარბაზი.

რიგის მოსანახულებლად იდეალური დრო 2-დან 4 დღემდეა, რაც დამოკიდებულია თქვენს ინტერესებსა და მოგზაურობის ტემპზე.

მოგზაურობის წინ აუცილებლად მოამზადეთ ყველა საჭირო დოკუმენტი – პასპორტი ან პირადობის მოწმობა. ჩაიფუთეთ კომფორტული და სეზონის შესაბამისი ტანსაცმელი, გადაამოწმეთ, რომ ყველა გაჯეტი და მათი დამტენები თან გქონდეთ. სასურველია თან იქონიოთ მოსახერხებელი ზურგჩანთა, საჭიროების შემთხვევაში კი პორტატული დამტენი. თუ ფოტოგრაფია გიყვართ, ფოტოაპარატიც არ დაგავიწყდეთ. რადგან საღამოობით ნებისმიერ სეზონზე შედარებით გრილა, წაიღეთ თბილი ტანსაცმელი – ზაფხულშიც კი გრძელმკლავიანი მაისური გამოგადგებათ.

რიგა გამოირჩევა იუნესკოს მემკვიდრეობად აღიარებული ძველი ქალაქით, არტ ნუვოს არქიტექტურით და მდიდარი კულტურული ცხოვრებით, ასევე ცნობილია როგორც ბალტიისპირეთის ერთ-ერთი ყველაზე ფერადი და სტუმართმოყვარე ქალაქი.

დასავლეთ ევროპის ქალაქებთან შედარებით, რიგა უფრო ხელმისაწვდომი სამოგზაურო მიმართულებაა. აქ შესაძლებელია როგორც კვება, ისე სასტუმროში განთავსება შედარებით დაბალ ფასად, ხოლო დანარჩენი ხარჯები დამოკიდებულია თქვენს არჩევანზე — რამდენს დახარჯავთ გართობაზე და ღირსშესანიშნაობების მონახულებაზე. მუზეუმების ბილეთებიც საკმაოდ ხელმისაწვდომია.

რიგა უსაფრთხო ქალაქად ითვლება ტურისტებისთვის. დანაშაულის დონე დაბალია, თუმცა, როგორც სხვა პოპულარულ მიმართულებებში, აქაც ყურადღება უნდა მიაქციოთ ჯიბის ქურდობის რისკს ხალხმრავალ ადგილებში, ბაზრებსა და საზოგადოებრივ ტრანსპორტში.

რიგაში მოგზაურობისთვის საუკეთესო დროა მაისიდან სექტემბრამდე, როცა ამინდი თბილი და სასიამოვნოა, ხოლო ქალაქი სავსეა ღია კაფეებითა და ფესტივალებით.

რიგასთან ყველაზე ახლო აეროპორტია რიგის საერთაშორისო აეროპორტი (Riga International Airport – RIX), რომელიც ქალაქის ცენტრიდან დაახლოებით 10 კილომეტრში მდებარეობს და მანქანით ან ავტობუსით 15-20 წუთში შეგიძლიათ მიაღწიოთ.

რიგაში გაფრენას თბილისიდან პირდაპირი ავიარეისებით შეძლებთ. თბილისიდან სრულდება გადაჯდომით ფრენებიც. სეზონურად, ბათუმიდანაც ეწყობა პირდაპირი ფრენები, ძირითადად კი ბათუმიდან გადაჯდომით შეძლებთ მგზავრობას. გადაჯდომით რეისსებით შეგიძლიათ ასევე ისარგებლოთ ქუთაისის აეროპორტიდანაც. საუკეთესო ფასის მისაღებად სასურველია ავიაბილეთები წინასწარ დაჯავშნოთ, რაც საშუალებას მოგცემთ შეიძინოთ იაფი ავიაბილეთები და თქვენი მგზავრობა დაგეგმოთ უფრო კომფორტულად და ეკონომიურად.

თბილისიდან პირდაპირ ფრენებს ავიაკომპანია AirBaltic ასრულებს. გადაჯდომით რეისებით კი შეგიძლიათ ისარგებლოთ Turkish Airlines-ის და Pegasus-ის ფრენებით. ეარბალტიკი ასევე გთავაზობთ ბათუმიდან პირდაპირ ფრენებს (სეზონურად) ხოლო ქუთაისიდან Pegasus -ი ყველაზე კარგი ვარიანტია.

მოგზაურობის მაქსიმალურად ბიუჯეტურად დაგეგმვისათვის, პირველ რიგში აუცილებელია 1 ან 2 თვით ადრე შეიძინოთ ავიაბილეთები და დასვენება არ დაამთხვიოთ დიდ დღესასწაულებს.