ტურები სტამბოლში

სტამბოლის მოსანახულებლად საუკეთესო დრო გაზაფხული (მარტი-მაისი) და შემოდგომაა (სექტემბერი-ნოემბერი). ამ პერიოდებში ამინდი სასიამოვნოდ თბილი და ზომიერია, რაც იდეალურია ქალაქის ძეგლების დასათვალიერებლად და გარე აქტივობებისთვის.

ტურები სტამბოლში იაფად რომ დაჯავშნოთ, საუკეთესო პერიოდი ზამთარი და გარდამავალი სეზონებია, როდესაც ტურისტული ნაკადი მცირდება. ეს ძირითადად მოიცავს შემდეგ თვეებს – იანვრიდან თებერვლის ჩათვლით და ნოემბერი.

სტამბოლი გამორჩეული ქალაქია, რომელიც ერთადერთია მსოფლიოში, რომელიც ორ კონტინენტზე – ევროპასა და აზიაზეა გაშენებული. სწორედ ამიტომ, ის აღმოსავლეთისა და დასავლეთის უნიკალურ კულტურულ ნაზავს წარმოადგენს.

ქალაქი მდიდარია ისტორიული მემკვიდრეობით, რისი მოწმეცაა დიდებული აია სოფია, ლურჯი მეჩეთი და ტოპკაპის სასახლე. გარდა კულტურული საგანძურისა, სტამბოლი დინამიური მეტროპოლისია, სადაც თანამედროვე ხელოვნება, დახვეწილი კაფეები და რესტორნები, ცოცხალი ბაზრები და ბოსფორის ულამაზესი სანაპიროები იზიდავს ტურისტებს. ეს არის ქალაქი, სადაც ყოველ კუთხეში ახალ თავგადასავალსა და შთაბეჭდილებას აღმოაჩენთ.

სტამბოლის მოსანახულებლად და ძირითადი ღირსშესანიშნაობების სანახავად 3-დან 5 დღემდე საკმარისია. ამ პერიოდში შეძლებთ, მოინახულოთ ქალაქის ყველაზე მნიშვნელოვანი ადგილები და შეიგრძნოთ მისი უნიკალური კულტურული ატმოსფერო.

დიახ, თბილისიდან, ქუთაისიდან და ბათუმიდან სტამბოლის მიმართულებით პირდაპირი ფრენები ხელმისაწვდომია.

სტამბოლს ორი ძირითადი აეროპორტი ემსახურება, რომელთაგან თითოეული ქალაქის სხვადასხვა ნაწილთან არის ახლოს:

სტამბოლის აეროპორტი (IST): ის მდებარეობს ქალაქის ევროპულ ნაწილში და ცენტრიდან დაახლოებით 40 კილომეტრშია. ხოლო საბიჰა გოქჩენის აეროპორტი (SAW) მდებარეობს სტამბოლის აზიურ ნაწილში და ცენტრიდან დაახლოებით 45-50 კილომეტრშია.

შეეცადეთ ავიაბილეთები წინასწარ, დაახლოებით 1-2 თვით ადრე დაჯავშნოთ. ასევე, ფრენები შეარჩიეთ კვირის სამუშაო დღეებში, მაგალითად სამშაბათს ან ოთხშაბათს, რაგდან ამ პერიოდში მოთხოვნა ნაკლებია და ავიაბილეთების ღირებულებაც შედარებით ბიუჯეტური.