ბოლონია – დაგეგმე სრულყოფილი მოგზაურობა

საუკეთესო არჩევანია მათთვის, ვინც ფეხით სეირნობას და ყველა ღირსშესანიშნაობასთან ახლოს ყოფნას ამჯობინებს. აქ ნახავთ ბუტიკ-ჰოტელებს, ავთენტურ აპარტამენტებს და ლუქს რეზიდენციებს.

მშვიდი და ელეგანტური უბანი, სადაც შეგხვდებათ ისტორიული შენობები და კომფორტული სასტუმროები.

უფრო ბიუჯეტური და თანამედროვე უბანი, რომელიც რკინიგზის სადგურთან ახლოს მდებარეობს, რაც კარგ კავშირებს უზრუნველყოფს.

იდეალურია ბიზნეს- მოგზაურებისთვის ან გამოფენებზე დასასწრებად.

ბოლონიის სიმბოლო – ორი დახრილი კოშკი, რომელთაგანაც Asinelli-ზე შეგიძლიათ ახვიდეთ და ქალაქის წითელი სახურავების პანორამული ხედებით დატკბეთ.

მთაზე მდებარე ეს ბაზილიკა ქალაქის ერთ-ერთი ყველაზე შთამბეჭდავი სანახაობაა. მასთან მისასვლელად შეგიძლიათ იაროთ ყველაზე გრძელი პორტიკოს ქვეშ, რომელიც 666 თაღისგან შედგება.

ბოლონიის უნივერსიტეტის ერთ-ერთი უძველესი შენობა, სადაც მე-17 საუკუნეში ანატომიის გაკვეთილები ტარდებოდა. აქ შეგიძლიათ ნახოთ უნიკალური ხის სკულპტურები და ინტერიერი.

ქალაქის ერთ-ერთი ყველაზე ცნობილი მახასიათებელი, UNESCO-ს მსოფლიო მემკვიდრეობის ძეგლი. ეს არის 62 კილომეტრის სიგრძის დახურული საფეხმავლო ბილიკები, რომლებიც დაგეხმარებათ სიცხისგან ან წვიმისგან თავის დაღწევაში.

ეს არის შუა საუკუნეების ბაზრის უბანი Piazza Maggiore-ს მიმდებარედ, რომელიც სავსეა ხილის, ბოსტნეულის, ყველის, ხორცისა და სხვა ადგილობრივი დელიკატესების მაღაზიებით. აქ შეგიძლიათ დააგემოვნოთ უგემრიელესი კერძები და შეიგრძნოთ ბოლონიის ნამდვილი სული.

მუზეუმი, სადაც ინახება რენესანსის პერიოდის მხატვრების, მათ შორის რაფაელის, ნამუშევრები.

ბოლონიაში ყველაზე ავთენტური კერძების დასაგემოვნებლად ეწვიეთ ტრადიციულ ტრატორიებსა და ოსტერიებს. ეს არის პატარა, საოჯახო ტიპის რესტორნები, სადაც ადგილობრივები დადიან:

• Osteria dell’Orsa – ეს არის ერთ-ერთი ყველაზე ცნობილი და პოპულარული ადგილი, განსაკუთრებით ახალგაზრდებს შორის. აქ შეგიძლიათ დააგემოვნოთ ტრადიციული პასტა, როგორიცაა Tagliatelle al Ragù (ცნობილი როგორც “ბოლონეზე”) და სხვა ადგილობრივი კერძები, შედარებით ხელმისაწვდომ ფასად.
• Trattoria dal Biassanot – ეს ტრატორია ცნობილია თავისი ტრადიციული ემილია-რომანიას სამზარეულოთი. აქ დაგხვდებათ მყუდრო, ავთენტური გარემო და უგემრიელესი კერძები.
• Sfoglia Rina – თუ გსურთ გასინჯოთ უახლესი, ხელით დამზადებული პასტა, ეს ადგილი იდეალურია. მიუხედავად იმისა, რომ შეიძლება რიგში დგომა მოგიწიოთ, ლოდინი ნამდვილად ღირს.

თუ სწრაფ და ხელმისაწვდომ საკვებს ეძებთ, ეწვიეთ Quadrilatero-ს უბანს, რომელიც Piazza Maggiore-სთან ახლოს მდებარეობს. აქ შეგიძლიათ შეიძინოთ და დააგემოვნოთ ადგილობრივი ყველი, ხორცი, პური და სხვა დელიკატესები.

ბოლონიაში ყოფნისას აუცილებლად უნდა გასინჯოთ შემდეგი კერძები:

• Tagliatelle al Ragù: ეს არის ბოლონიის ყველაზე ცნობილი კერძი, თუმცა, გახსოვდეთ, რომ ადგილობრივები მას სპაგეტისთან კი არა, ფართო ლენტებიან პასტა ტალიატელესთან ერთად მიირთმევენ.
• Tortellini in Brodo: პატარა, ხელით დამზადებული პასტა, რომელიც იხარშება ქათმის ან საქონლის ხორცის ბულიონში. ეს კერძი განსაკუთრებით პოპულარულია ზამთრის პერიოდში.
• Lasagne alla Bolognese: ბოლონიაში ლაზანია მზადდება ტრადიციული რეცეპტით, რომელიც მწვანე ლაფშას, ბოლონეზეს სოუსსა და ბეშამელის სოუსს მოიცავს.
• Mortadella: ადგილობრივი ძეხვი, რომელიც ცნობილია მთელ მსოფლიოში. შეგიძლიათ დააგემოვნოთ როგორც დამოუკიდებელი კერძი ან გამოიყენოთ სენდვიჩში.

• Berberè – პიცერია, რომელიც ნამდვილი გურმანებისთვისაა შექმნილი და იტალიის ყველაზე პოპულარული კერძის სრულიად ახალ გამოცდილებას გთავაზობთ. აქ გამოიყენება უმაღლესი ხარისხის ინგრედიენტები, შვიდი სახეობის ფქვილი და 48-საათიანი დაძველების პროცესი, ხოლო განსაკუთრებული ვერსია ვაშლისა და ბროწეულის ხაჭოთი პიცის მოყვარულთათვის ნამდვილ აღმოჩენად იქცევა. ადგილის დასაკავებლად წინასწარი ონლაინ დაჯავშნა რეკომენდებულია.
• O’ Fiore Mio – 2014 წლის დეკემბერში გახსნილი ეს პიცერია გამორჩეულია იმით, რომ მისი მენიუ 10 სხვადასხვა სახეობის პიცისგან შედგება, რომლებიც რეგულარულად იცვლება. აქ ასევე შეხვდებით ვეგეტარიანულ და ვეგანურ ვარიანტებს, მაგალითად, მუხუდოთი, ოსპითა და ჩირით დამზადებულ პიცებს.
• Caruso – ქალაქის ცენტრიდან მოშორებით მდებარე ეს ტრადიციული და სანდო პიცერია ცნობილია რბილი, მსუბუქი ცომითა და ხარისხიანი ტოპინგებით. პიცა ხის დაფაზე მოგემსახურებათ, ხოლო მენიუში არის როგორც გლუტენის გარეშე პიცა, ისე კარგად მომზადებული თევზის კერძები. ადგილები ხშირად ივსება, განსაკუთრებით შაბათ-კვირას, ამიტომ წინასწარი დაჯავშნა სასურველია.

ელეგანტური შოპინგ-გალერეა, სადაც თავმოყრილია Prada, Gucci, Louis Vuitton და სხვა მაღალი კლასის ბრენდები.

ისტორიული ბაზრის უბანი, სადაც შეგიძლიათ იყიდოთ ადგილობრივი პროდუქტი, დელიკატესები და ღვინო.

ბრენდული outlet-გახლავთ, სადაც დიზაინერული ნივთები ფასდაკლებით შეგიძლიათ შეიძინოთ.

მთავარი სავაჭრო ქუჩა, სადაც შეხვდებით ტანსაცმლის, ფეხსაცმლისა და აქსესუარების მაღაზიებს, მათ შორის Zara, H&M და იტალიური ბრენდები.

მაღაზიებით სავსე ქუჩები, რომლებიც პოპულარულია როგორც ადგილობრივებში, ისე ტურისტებში.

დახურული ბაზარი, სადაც სუვენირების გარდა ადგილობრივ კერძებსა და სასმელებსაც დააგემოვნებთ.

ქალაქში ავტობუსების ფართო ქსელია (TPER), რომლებიც აკავშირებენ როგორც ცენტრს, ისე გარეუბნებს. ბილეთის ყიდვა შეიძლება კიოსკებში, აპლიკაციით ან უშუალოდ მძღოლთან.

• ერთჯერადი მგზავრობის საფასურია – 2.30 ევრო (2.5 ევრო, თუ ავტობუსში შეიძენთ)
• დღიური აბონემენტი – 9 ევრო
• თვიური აბონემენტი – 39 ევრო
• ერთ მეტრამდე სიმაღლის ბავშვები უფასოდ მგზავრობენ

ბოლონია ველომოყვარულებისთვის მეგობრული ქალაქია, აქ მოქმედებს სერვისები, როგორიცაა Mobike და RideMovi.

ბოლონიაში ფეხით სეირნობა ნამდვილად განსაკუთრებული გამოცდილებაა. შუასაუკუნეების შენობების დათვალიერება ფეხით ბევრად უფრო სასიამოვნოა და გაძლევთ საშუალებას უკეთ შეიგრძნოთ ქალაქის არქიტექტურა. გარდა ამისა, აქ არის ქუჩები, სადაც მხოლოდ საფეხმავლო ზონებია მოწყობილი და სატრანსპორტო მოძრაობა არ ხდება, რაც სეირნებას კიდევ უფრო კომფორტულსა და მშვიდს ხდის.

ბოლონიის მარკონის აეროპორტიდან ქალაქის ცენტრში მოსახვედრად რამდენიმე გზა არსებობს. შეგიძლიათ აირჩიოთ ტაქსი ან საზოგადოებრივი ტრანსპორტი, თუმცა ყველაზე სწრაფი ვარიანტია Marconi Express – ჩქაროსნული მატარებელი, რომელიც აეროპორტიდან ბოლონიის ცენტრალურ რკინიგზის სადგურში მხოლოდ 7 წუთში მიგიყვანთ. სადგური აეროპორტიდან დაახლოებით 6 კილომეტრში მდებარეობს, ხოლო მატარებელი ყოველ 7 წუთში გადის. ბილეთის ფასი ერთი მიმართულებით 12.80 ევროა, ორმხრივი – 23.30 ევრო, ჯგუფებისა და დიდი ოჯახებისთვის კი მოქმედებს სპეციალური ფასდაკლებები.

ეს არის ბოლონიის ყველაზე დიდი და პოპულარული პარკი. ის ქალაქის ცენტრთან ახლოს მდებარეობს და იდეალურია მათთვის, ვისაც სურს, რომ გასეირნებასთან ერთად, დატკბეს ულამაზესი ბუნებით. აქ ნახავთ დიდ გაზონებს, ბუჩქებს, ტბას და ბევრ სასიამოვნო კაფეს. ეს პარკი ხშირად მასპინძლობს სხვადასხვა ღონისძიებებს და იდეალურია პიკნიკისთვის.

თუ ქალაქის ცენტრიდან მოშორებით, გორაკზე ასვლა გსურთ, ეს პარკი საუკეთესო არჩევანია. ის გთავაზობთ საოცარ ხედებს ბოლონიის წითელ სახურავებზე. აქ შეგიძლიათ იაროთ ლამაზ ბილიკებზე, დატკბეთ ბუნებით და იგრძნოთ სიმშვიდე.

ეს პარკი ცენტრში, ავტობუსის ტერმინალთან და მატარებლის სადგურთან ახლოს მდებარეობს. ის ბოლონიის უძველესი პარკია, რომელიც გამოირჩევა თავისი დახვეწილი არქიტექტურით, შადრევნებითა და ქანდაკებებით. ის შესანიშნავი ადგილია დასასვენებლად, სადაც ქალაქის ხმაური არ შეგაწუხებთ.

ეს არის ბოლონიის უნივერსიტეტის ბოტანიკური ბაღი, რომელიც ქალაქის ერთ-ერთი ყველაზე ძველი ბაღია. თუ მცენარეების მოყვარული ხართ, აქ ნახავთ უამრავ ეგზოტიკურ და იშვიათ სახეობას. ეს არის მშვიდი და სასიამოვნო ადგილი, სადაც შეგიძლიათ გაიქცეთ ქალაქის აურზაურისგან.

ბოლონიის მოსანახულებლად საშუალოდ 2–3 დღე საკმარისია, რომ მოინახულოთ მთავარი ღირსშესანიშნაობები, დააგემოვნოთ ადგილობრივი სამზარეულო და გაისეირნოთ ისტორიულ ქუჩებში.

თუ დრო გაქვს, 4–5 დღიანი მოგზაურობა საშუალებას მოგცემს ბოლონიას უფრო ნელ ტემპში გაეცნო და მეზობელ რეგიონებსაც მოინახულო.

უპირველესად, არ დაგავიწყდეთ ფრენისთვის აუცილებელი ნივთების მომზადება: დოკუმენტები, პასპორტი და კომფორტული ბალიში. ასევე, შეამოწმეთ ყველა გაჯეტი და დამტენი.

ვინაიდან ბოლონიის ქუჩები იდეალურია სეირნობისთვის და ბევრი სიარული მოგიწევთ, აუცილებლად წაიღეთ სპორტული ფეხსაცმელი ან კომფორტული ფეხსაცმელი.

ბოლონია გამოირჩევა თავისი შუასაუკუნეების არქიტექტურით, უძველესი უნივერსიტეტით და გასტრონომიული ტრადიციებით. ქალაქის სიმბოლოებია portici – 38 კილომეტრზე გადაჭიმული თაღიანი გასასვლელები, და Due Torri – შუასაუკუნეების ორი კოშკი. აქ მდებარეობს ბოლონიის უნივერსიტეტი, რომელიც ევროპაში უძველესად ითვლება (დაარსდა 1088 წელს). ბოლონია ცნობილია როგორც იტალიის კულინარიული დედაქალაქი – აქ შეიქმნა ლეგენდარული ragù alla bolognese და ტორტელინი. ქალაქი აერთიანებს კულტურულ მრავალფეროვნებას, მდიდარ ისტორიას და ცოცხალ სტუდენტურ ატმოსფეროს, რაც მას ტურისტებისთვის განსაკუთრებულად მიმზიდველ ადგილად აქცევს.

ბოლონიაში მოგზაურობა ძალიან ბიუჯეტური არ არის, თუმცა თუ წინასწარ დაგეგმავთ ვიზიტს, მაშინ შედარებით იაფად შეძლებთ მოგზაურობა.

ბოლონია ითვლება კარგად დაცულ და უსაფრთხო ქალაქად, განსაკუთრებით ტურისტული ზონები და ისტორიული ცენტრი. ქუჩებში დანაშაულის დონე დაბალია, თუმცა, როგორც სხვა პოპულარულ ტურისტულ ადგილებში, აქაც არსებობს ჯიბის ქურდობის რისკი, განსაკუთრებით ხალხმრავალ ადგილებში, ბაზრებსა და საზოგადოებრივ ტრანსპორტში.

ბოლონიაში მოგზაურობისთვის საუკეთესო დროა გაზაფხული (აპრილი-ივნისი) და შემოდგომა (სექტემბერი-ოქტომბრის შუა რიცხვები), როცა ამინდი თბილია, მაგრამ არა ძალიან ცხელი – საშუალოდ 18-27°C. ამ პერიოდში ქალაქში სასიამოვნოა როგორც ღია სივრცეში სეირნობა, ისე მუზეუმებისა და ბაზრების მონახულება.

ზაფხულში, განსაკუთრებით ივლისსა და აგვისტოში, სიცხე და ტენიანობა მაღალია, აგვისტოში კი ბევრი ადგილობრივი შვებულებაშია და ზოგი ობიექტი დახურულია. ზამთარი უფრო ცივია და ნოტიო, თუმცა დეკემბერში საშობაო ბაზრები და განათებები ქალაქს განსაკუთრებულ ხიბლს მატებს.

ბოლონიასთან ყველაზე ახლო აეროპორტია ბოლონიის მარკონის აეროპორტი (Aeroporto Guglielmo Marconi – BLQ), რომელიც ქალაქის ცენტრიდან დაახლოებით 6 კილომეტრში მდებარეობს და Marconi Express ჩქაროსნული მატარებლით სულ 7 წუთში შეიძლება მისვლა.

ბოლონიაში ფრენებს საქართველოდან შეძლებთ თბილისის, ქუთაისისა და ბათუმის აეროპორტებიდან. თუმცა, ავიარეისები ამ ეტაპზე მხოლოდ გადაჯდომით სრულდება.

თბილისიდან ბოლონიის მიმართულებით დაფრინავს შემდეგი ავიაკომპანიები: Pegasus დაTurkish Airlines. ბათუმიდან ფრენებს ასევე Turkish Airlines შემოგთავაზებთ, ხოლო ქუთაისიდან კი ავიაკომპანია Wizz Air და Pegasus.

გირჩევდით, რომ ავიაბილეთები დაჯავშნოთ 1 ან 2 თვით ადრე. ასევე, უმჯობესია ფრენები შეიძინოთ კვირის დღეებში და არა შაბათ-კვირას. იაფი ავიაბილეთის მოძებნა კი შეგიძლიათ ონლაინ მარტივად.