ლარნაკა – დაგეგმე სრულყოფილი მოგზაურობა

ეს არის ლარნაკას გული და ერთ-ერთი ყველაზე პოპულარული არჩევანი ტურისტებისთვის. აქ ნახავთ ცნობილ პალმებით გაფორმებულ სანაპირო ზოლს, უამრავ რესტორანს, კაფეს, მაღაზიას და ღამის კლუბს. ყველაფერი ხელმისაწვდომია ფეხით სავალ მანძილზე, მათ შორის ლარნაკას მარინა და ქალაქის მთავარი ღირსშესანიშნაობები.

იდეალურია მათთვის, ვისაც უყვარს ქალაქის ცენტრში ყოფნა, აქტიური დასვენება და ყველაფერთან ახლოს ყოფნა. აქ ნახავთ როგორც ლუქს კლასის სასტუმროებს, ასევე თანამედროვე აპარტამენტებს.

ეს უბანი უფრო მშვიდი და ოჯახებისთვის შესაფერისია. დროსია გამოირჩევა თავისი საცხოვრებელი გარემოთი, პარკებითა და მოედნებით, რაც მას ოჯახური დასვენებისთვის კომფორტულს ხდის. ის ქალაქის ცენტრთან ახლოსაა, რაც აქტივობებზე წვდომას ამარტივებს.

ვისთვის არის კარგი არცევანი? ოჯახებისთვის ბავშვებით, ან მათთვის, ვისაც მშვიდი და წყნარი გარემო ურჩევნია ქალაქის აურზაურისგან მოშორებით. ხელმისაწვდომია როგორც აპარტამენტები, ასევე სასტუმროები.

თუ გსურთ ნამდვილი კვიპროსული გამოცდილება ბიუჯეტურ ფასად, სკალა შესანიშნავი არჩევანია. აქ ნახავთ ტრადიციულ სახლებსა და ვიწრო ქუჩებს. სკალა ახლოსაა ლარნაკას ისტორიულ ძეგლებთან, მათ შორის შუა საუკუნეების ციხესიმაგრესთან.

კარგი არჩევანია ისტორიის მოყვარულებისთვის და მათთვის, ვისაც ურჩევნია ადგილობრივი კულტურის გაცნობა და ბიუჯეტური დასვენება. აქ შეხვდებით ძირითადად გესთჰაუსებს და პატარა სასტუმროებს.

თუ აქტიური პლაჟის დასვენება და გართობა გიზიდავთ, მაკენზი საუკეთესო არჩევანია. ცნობილია თავისი ულამაზესი სანაპიროთი, ცოცხალი ბარებით, რესტორნებით და წყლის აქტივობებით. ის აეროპორტთან ახლოს მდებარეობს, რაც მოგზაურობას აადვილებს.

კარგი არჩევანია მათთვის, ვინც ეძებს დინამიურ ღამის ცხოვრებას სანაპიროსთან ერთად და უყვარს გართობა. აქ შეგიძლიათ იპოვოთ როგორც ძვირადღირებული კურორტები, ასევე ბუტიკ სასტუმროები.

თუ ბუნებასთან სიახლოვე და სიმშვიდე გსურთ, ფანერომენი იდეალურია. ეს არის მწვანე და წყნარი უბანი, რომელიც ახლოსაა ლარნაკას მლაშე ტბასთან, სადაც სეზონის განმავლობაში ფლამინგოების ნახვაა შესაძლებელი.

შესანიშნავი არჩევანია მათთვის, ვისაც უყვარს ბუნება, დასვენება და სიმშვიდე. ძირითადად გამოირჩევა საშუალო ფასის სასტუმროებითა და კომფორტული საცხოვრებლებით.

სანაპიროსთან მდებარე ეს ციხესიმაგრე მე-17 საუკუნით თარიღდება და დღეს მუზეუმია. აქედან იშლება ულამაზესი ხედები ზღვაზე.

ზამთარში და ადრე გაზაფხულზე ეს ტბა ათასობით ფლამინგოს მასპინძლობს, რაც დაუვიწყარ სანახაობას ქმნის. ზაფხულში ტბა შრება და მარილის თეთრ ზედაპირს წარმოადგენს.

თუ ისტორია გაინტერესებთ, ეს მუზეუმი აუცილებლად უნდა მოინახულოთ. აქ დაცულია არტეფაქტები ნეოლითური ხანიდან რომაულ პერიოდამდე.

თუ მყვინთავობა გიყვართ, აუცილებლად ეწვიეთ გემ “ზენობიას” ჩაძირულ ადგილს (Zenobia). ეს ერთ-ერთი საუკეთესო ჩაძირული ხომალდია მსოფლიოში მყვინთავებისთვის.

მე-9 საუკუნის ეს ბიზანტიური ეკლესია ქალაქის ერთ-ერთი ყველაზე მნიშვნელოვანი რელიგიური ძეგლია. ითვლება, რომ აქ წმინდა ლაზარეს ნეშტია დაკრძალული.

ლარნაკას მლაშე ტბის სანაპიროზე მდებარე ეს ულამაზესი მეჩეთი ისლამური სამყაროს ერთ-ერთი უმნიშვნელოვანესი სიწმინდეა. ის გარშემორტყმულია ულამაზესი ბაღებით.

რომაული პერიოდის ეს შთამბეჭდავი ნაგებობა, რომელიც ქალაქს წყლით ამარაგებდა, ლარნაკას ერთ-ერთი სიმბოლოა. განსაკუთრებით ლამაზია ღამით განათებული.

• To Kazani Traditional Tavern: ეს არის ერთ-ერთი ყველაზე პოპულარული ადგილი ტრადიციული კვიპროსული სამზარეულოს დასაგემოვნებლად. აქ შეგიძლიათ შეუკვეთოთ მეზე, რაც მრავალი პატარა კერძისგან შემდგარი ნაკრებია და საშუალებას გაძლევთ დააგემოვნოთ ყველაფერი ერთად – ხორცი, ბოსტნეული, სალათები და, რა თქმა უნდა, ჰალუმი (ადგილობრივი ყველი). ატმოსფერო აქ ძალიან ავთენტური და თბილია.
• Militzis Restaurant: თუ ნამდვილი კვიპროსული გემოები გსურთ, ეს ტავერნა შესანიშნავი არჩევანია. აქ განსაკუთრებით პოპულარულია ხორცის კერძები, მაგალითად, კლეფტიკო (ნელა გამომცხვარი ცხვრის ხორცი) და სუვლა (დიდი ზომის შამფურზე შემწვარი ხორცი).
• Stou Roushia: ეს ადგილი ცნობილია თავისი ტრადიციული რეცეპტებითა და მეგობრული ატმოსფეროთი. აქაც შეგიძლიათ დააგემოვნოთ უგემრიელესი მეზე და ადგილობრივი ღვინოები.

• Art Cafe 1900: თუ უფრო არტისტული და ბოჰემური ატმოსფერო გსურთ, ეს კაფე-რესტორანი შესანიშნავია. აქ ნახავთ თანამედროვე ევროპულ სამზარეულოს, სალათებს და უგემრიელეს დესერტებს.
• Ambiance Restaurant: ეს ადგილი გთავაზობთ დახვეწილ გარემოს და ხმელთაშუა ზღვისა და საერთაშორისო სამზარეულოს შერწყმას. იდეალურია რომანტიკული ვახშმისთვის.
• Lush Beach Bar Resto: მაკენზი ბიჩზე მდებარე ეს ადგილი შესანიშნავია მათთვის, ვისაც დღის განმავლობაში პლაჟზე დასვენება და შემდეგ გემრიელი კოქტეილები და თანამედროვე სამზარეულო სურს. ხშირად აქვთ DJ სეტები და ცოცხალი მუსიკა.

• Zephyros Restaurant: ფინიკუდესის სანაპიროზე მდებარე ეს რესტორანი ზღვის პროდუქტების მოყვარულთათვის სამოთხეა. აქ ყოველთვის ახალი თევზეული და ზღვის პროდუქტებია, რომელსაც ხმელთაშუა ზღვის ულამაზეს ხედთან ერთად მიირთმევთ.
• Ocean Basket: ეს არის პოპულარული ქსელური რესტორანი, რომელიც ხელმისაწვდომ ფასად გთავაზობთ ზღვის პროდუქტების მრავალფეროვან არჩევანს, მათ შორის სუშის.
• Piers One: ლარნაკას მარინასთან ახლოს მდებარეობს და გთავაზობთ ახალ ზღვის პროდუქტებს და სასიამოვნო ატმოსფეროს წყლის პირას.

ლარნაკაში უამრავი პატარა კაფე და საცხობი ნახავთ, სადაც შეგიძლიათ დააგემოვნოთ ადგილობრივი ნამცხვრები, ყავა და სწრაფი კვების ობიექტები:

• Mcdonald’s
• Burger King
• Pizza Hut
• KFC

• Metropolis Mall: ლარნაკას ყველაზე დიდი და თანამედროვე სავაჭრო ცენტრი, რომელიც 2021 წელს გაიხსნა. აქ ნახავთ საერთაშორისო ბრენდებს ტანსაცმლის, აქსესუარების, სილამაზის პროდუქტებისა და ელექტრონიკის განყოფილებებში. ასევე არის კვების ზონა და გასართობი სივრცეები. ეს იდეალური ადგილია, თუ გსურთ ყველაფერი ერთ სივრცეში იპოვოთ.
• ERA Zenon არის მსხვილი უნივერმაღი ლარნაკაში, კვიპროსზე. ის წარმოადგენს ქალაქის ერთ-ერთ მთავარ სავაჭრო დანიშნულების ადგილს, სადაც შეგიძლიათ იპოვოთ მრავალფეროვანი პროდუქცია. თუ ლარნაკაში შოპინგი გსურთ და ეძებთ ერთ ადგილას თავმოყრილ მრავალფეროვან პროდუქციას, ERA Zenon შეიძლება კარგი ვარიანტი იყოს თქვენთვის.

• Larnaca Municipal Market (ლარნაკას მუნიციპალური ბაზარი) – ადგილობრივების საყვარელი ადგილი დილაობით – ლარნაკას მუნიციპალური ბაზარი. აქ შეიძენთ ახალ ხილსა და ბოსტნეულს, ადგილობრივ პროდუქტებს, ასევე დაათვალიერებთ ხელნაკეთ და სასუვენირო ნივთებს.
• Finikoudes Market (ფინიკუდესის ბაზარი) – ფინიკუდესის ბაზარი შაბათ-კვირას ფუნქციონირებს და შესანიშნავი ადგილია სუვენირების, ტანსაცმლისა და აქსესუარების შესაძენად.

• Ermou Street (ერმუს ქუჩა): ეს ლარნაკას მთავარი სავაჭრო ქუჩაა. აქ განთავსებულია ცნობილი ბრენდების მაღაზიები, როგორიცაა Armani Jeans, Hugo Boss, Burberry, D&G, Polo Jeans, Kenzo, Valentino და სხვა. თუ ბრენდული ტანსაცმელი და აქსესუარები გაინტერესებთ, ეს ქუჩა აუცილებლად უნდა მოინახულოთ. ამბობენ, რომ აქ ფასები ევროპის დიდ ქალაქებთან შედარებით 30-50%-ით დაბალია, ხოლო ფასდაკლებების სეზონზე (აგვისტო და თებერვალი) 50-70%-იანი ფასდაკლებებიცაა შესაძლებელი.
• Zenonos Kitieos Street (ზენონოს კიტიეოს ქუჩა): ეს ქუჩა ერმუს ქუჩის პარალელურად მდებარეობს და ასევე დატვირთულია მაღაზიებით. აქ ნახავთ როგორც საერთაშორისო, ასევე ადგილობრივ ბუტიკებს.

Lefkara Lace – აქ ულამაზეს მაქმანებიან სამოსსა თუ აქსესუარებს ნახავთ. თუ ორიგინალური ნივთების არჩევა გინდათ, ეწვიეთ ადგილობრივების ამ მაღაზიას.

Viniculture Boutique – თუ სამახსოვროდ ადგილობრივი პროდუქციის, თაფლის, ღვინის, ზეთისხილისა თუ სხვა პროდუქტების წაღება გსურთ სამშობლოში, ეწვიეთ ამ მაღაზიას.

ლარნაკაში გადაადგილების ყველაზე პოპულარული და ბიუჯეტური საშუალება ავტობუსია. ერთჯერადი ბილეთი 1.50-დან 2.50 ევრომდე ღირს და ავტობუსით მარტივად მიაღწევთ ქალაქის ნებისმიერ წერტილს, მათ შორის სანაპირო ზოლსაც.

თუ კვიპროსის სხვა ქალაქების ან ლარნაკის შემოგარენის დათვალიერებას აპირებთ, მანქანის დაქირავება ყველაზე მოქნილი ვარიანტია. ეს მოგცემთ სრულ თავისუფლებას და შესაძლებლობას, მოინახულოთ შორეული პლაჟები და ღირსშესანიშნაობები თქვენი სურვილისამებრ.

ლარნაკაში მრავალი საერთაშორისო და ადგილობრივი მანქანის გაქირავების კომპანიაა (მაგალითად, Avis, Budget, Hertz, Europcar, Alamo, Sixt). დაქირავების ღირებულება დამოკიდებულია მანქანის ტიპზე, სეზონზე და დაქირავების ხანგრძლივობაზე. საშუალოდ, ფასები იწყება $20-$40 დღეში. პარკინგიც საკმაოდ იაფია, 1 საათი 1 ევრო ღირს საპარკინგე სივრცეებში.

ლარნაკა შედარებით კომპაქტური ქალაქია, განსაკუთრებით მისი ცენტრალური ნაწილი და სანაპირო ზოლი. ყველაზე ბიუჯეტური და სასიამოვნო გზა ქალაქის ატმოსფეროს შესაგრძნობად. ფინიკუდესის სანაპირო იდეალურია სასეირნოდ.

კასტელას სანაპირო ქალაქის ცენტრიდან დაახლოებით ნახევარი საათის სავალზე მდებარეობს, მაგრამ მცირე მანძილი ნამდვილად არაფერია იმ სილამაზესთან შედარებით, რასაც იქ იპოვით. მისი ოქროსფერი ქვიშა და კრისტალურად სუფთა წყალი, რომელმაც “ლურჯი დროშის” სტატუსი მოიპოვა, გარანტიას გაძლევთ დაუვიწყარი დასვენების.

ლარნაკის გულში მდებარე ლარნაკას სანაპირო ქალაქის ყველაზე ხალხმრავალი და საყვარელი სანაპირო ზოლია. მისი მოსახერხებელი მდებარეობა საშუალებას გაძლევთ მარტივად მიხვიდეთ სხვადასხვა გასართობ სივრცეებთან, მყუდრო კაფე-ბარებთან და მნიშვნელოვან ადგილობრივ ღირსშესანიშნაობებთან. სანაპიროს განსაკუთრებულ ხიბლს მატებს მისი ცნობილი პალმებიანი სასეირნო ბილიკები, რომლებიც იდეალურია სასიამოვნო გასეირნებისთვის.

გაემართეთ წმინდა თეოდორეს სანაპიროზე, რომელიც განთქმულია თავისი თვალწარმტაცი, ოქროსფერი ქვიშით. აქ სრულყოფილად დაისვენებთ, შემდეგ კი სანაპიროზე მდებარე რესტორნებს ეწვიეთ, სადაც ახალ ზღვის პროდუქტებსა და სხვა ადგილობრივ დელიკატესებს შემოგთავაზებენ.

ლარნაკას ფინიკუდესის სანაპირო ნამდვილად შთამბეჭდავია – ის არა მხოლოდ კვიპროსის, არამედ მთელი სამხრეთ ევროპის ერთ-ერთ ულამაზეს სანაპირო ზოლად ითვლება. გარდა მზის აბაზანებისა და წყალში ცურვისა, აქ შეგიძლიათ სასიამოვნოდ გაისეირნოთ პალმებით გაფორმებულ პრომენადზე და დააგემოვნოთ უგემრიელესი კერძები სანაპიროზე განლაგებულ მრავალრიცხოვან კაფეებსა და რესტორნებში.

მაკენზის სანაპირო, რომელიც ლარნაკას აეროპორტთან ახლოს მდებარეობს, დასვენების უჩვეულო შესაძლებლობას გთავაზობთ. მისი ქვიშიანი ნაპირები იდეალურია რელაქსაციისთვის, ამასთანავე, შეგიძლიათ დატკბეთ ცაში მოძრავი თვითმფრინავების სანახაობით, რაც ამ პლაჟს განსაკუთრებულ ხიბლს სძენს.

გამოიკვლიეთ ლარნაკის ყველაზე ვრცელი სანაპირო ზოლი, დეკელია ბიჩი, რომელიც თავისი გაშლილი სიგრძით თითქოს არასოდეს მთავრდება. ამ სანაპიროზე განლაგებულია მრავალი რესტორანი და კაფე-ბარი, სადაც შეგიძლიათ დააგემოვნოთ როგორც ტრადიციული კვიპროსული, ისე მსოფლიო კულინარიული სიამოვნებები.

ეს არის ლარნაკას ყველაზე ცენტრალური და ვრცელი მუნიციპალური პარკი, რომელიც ქალაქის შუაგულში მდებარეობს. ის მოიცავს დიდ ტერიტორიას, სადაც სხვადასხვა ობიექტია თავმოყრილი.

იდეალურია ოჯახებისთვის, რადგან აქ ნახავთ ბავშვთა სათამაშო მოედანს მრავალფეროვანი ატრაქციონებით. ასევე განთავსებულია მუნიციპალური თეატრი, ბიბლიოთეკა და ბუნების ისტორიის მუზეუმი, სადაც შეგიძლიათ ნახოთ ცხოველების, ფრინველების, ზღვის არსებების, ჭურვებისა და მწერების კოლექციები. ბაღებში არის კაფეტერია, სადაც შეგიძლიათ შეისვენოთ. აქ არის ასევე სკულპტურები და ინტერაქტიული მონუმენტები.

ლარნაკას მლაშე ტბის მიმდებარე ტერიტორია არ არის ტრადიციული პარკი, მაგრამ გთავაზობთ ულამაზეს ბუნებრივ გარემოს და საფეხმავლო ბილიკებს.

ეს 4 კმ სიგრძის ბუნების ბილიკი ტბის ირგვლივ გადის და კამარეს აკვედუკამდე მიდის. აქ შეგიძლიათ ისიამოვნოთ მშვიდი გასეირნებით, სირბილით და, რაც მთავარია, ზამთრის თვეებში (ნოემბრიდან მარტამდე) ათასობით ფლამინგოს ნახვაა შესაძლებელი, რომლებიც ტბაზე იზამთრებენ. ბილიკზე არის სკამები და მცენარეების შესახებ ინფორმაცია.

ეს არის დიდი პარკი, სადაც ბავშვებისთვის გასართობი მოედნებია.

აქ ნახავთ სათამაშოებს ყველა ასაკისთვის, მათ შორის ზიპ-ლაინებს და დაბალ კონსტრუქციებს პატარებისთვის. პარკს აქვს კაფე დასაჯდომი ადგილებით, პიკნიკის მაგიდები, ასევე საჩოგბურთო, საკალათბურთო და საფეხბურთო მოედნები.

სალინას პარკი მუნიციპალურ ბაღებთან ახლოს მდებარეობს და მათთან ერთად ქმნის ლარნაკას უდიდეს მწვანე ზონას.

ეს 14,000 კვადრატული მეტრის ფართობის პარკი გთავაზობთ დასასვენებელ სივრცეს ყველასთვის. აქ არის სათამაშო მოედანი, საფეხმავლო და ველოსიპედის ბილიკები, ხელოვნური ტბა, გამაგრილებელი ცენტრი და ამფითეატრი კულტურული ღონისძიებებისთვის.

მდებარეობს არტემის გამზირის ჩრდილოეთით. პარკი ცნობილია თავისი 2 კმ სიგრძის საფეხმავლო ბილიკით. აქ არის კვიპროსული მცენარეებისა და ცხოველების იშვიათი სახეობები. ასევე ნახავთ ღია ცის ქვეშ ამფითეატრს, რომელიც საღამოობით განათებულია.

• აქლემების პარკი მაზოტოსში (Camel Park Mazotos): ლარნაკიდან მცირე მანძილზე, აქ შეგიძლიათ აქლემებზე გასეირნება, ცხოველებთან ურთიერთობა და დასვენება სათამაშო მოედანზე და საცურაო აუზზე.
• WOW Action Park: თუ ბავშვებთან ერთად მოგზაურობთ და გსურთ მეტი აქტივობა, ეს არის დიდი სათამაშო მოედანი ლარნაკაში, მრავალფეროვანი სასრიალოებით, ტრამპლინებით და ასასვლელი კედლებით.

ლარნაკის სილამაზისა და ისტორიის აღმოსაჩენად, მათ შორის სანაპიროებზე დასვენებისთვის, სულ ცოტა 3 დღეა საჭირო.

ლარნაკაში მოგზაურობისას, თქვენი კომფორტული და უდარდელი დასვენებისთვის, წინასწარ იზრუნეთ რამდენიმე მნიშვნელოვან დეტალზე:

პირველ რიგში, მოაწესრიგეთ ყველა დოკუმენტი, მათ შორის პასპორტი, და არ დაგავიწყდეთ ფრენისთვის აუცილებელი კომფორტული ნივთები (მაგალითად, საგზაო ბალიში). დარწმუნდით, რომ ყველა თქვენი გაჯეტი და მათი დამტენი თან გაქვთ. ლარნაკა ფეხით სავალი ქალაქია და ბევრ სიარულს მოგიწევთ, ამიტომ აუცილებლად ჩაალაგეთ სპორტული ფეხსაცმელი და კომფორტული ტანსაცმელი. და ბოლოს, რადგან ქალაქი ულამაზესი სანაპირო ზოლებითაა განთქმული, არ დაგავიწყდეთ საცურაო კოსტიუმების წაღება.

ლარნაკა გამოირჩევა თავისი მდიდარი ისტორიითა და უძველესი კულტურით, რაც მასში არსებულ მრავალრიცხოვან ძეგლებში აისახება. ქალაქი ასევე განთქმულია ულამაზესი ხმელთაშუა ზღვის სანაპიროებით, მათ შორის ცნობილი ფინიკუდესითა და მაკენზით, რომლებიც დასვენების, გართობისა და წყლის სპორტის მრავალფეროვან შესაძლებლობებს გვთავაზობენ. განსაკუთრებულ ხიბლს სძენს ლარნაკას მლაშე ტბა, სადაც სეზონურად ათასობით ფლამინგო იზამთრებს, რაც მას უნიკალურ ბუნებრივ ღირსშესანიშნაობად აქცევს. ყოველივე ეს ლარნაკას კვიპროსის ერთ-ერთ ყველაზე მიმზიდველ და გამორჩეულ ქალაქად აქცევს.

ლარნაკაში მოგზაურობა ევროპის სხვა ქალაქებთან შედარებით ხელმისაწვდომია. თუ გონივრულად და წინასწარ დაგეგმავთ, ავიაბილეთები და სასტუმროებს კიდევ უფრო ბიუჯეტურ ფასად იშოვით.

ლარნაკა უსაფრთხო ქალაქია ტურისტებისთვის, თუმცა მაინც სასურველია, თქვენს პირად ნივთებს ყურადღება მიაქციოთ.

ლარნაკაში მოგზაურობისთვის საუკეთესო პერიოდია გვიანი გაზაფხული ან ადრეული შემოდგომა. ამ დროს ამინდი იდეალურია როგორც სანაპიროზე დასვენებისთვის, ისე ისტორიული ღირსშესანიშნაობების დათვალიერებისთვის, რადგან ძლიერი სიცხე არ შეგაწუხებთ.

ლარნაკასთან ყველაზე ახლოს მდებარე აეროპორტი არის ლარნაკას საერთაშორისო აეროპორტი (LCA).

ლარნაკაში გამგზავრება შესაძლებელია საქართველოს სამი საერთაშორისო აეროპორტიდან: თბილისიდან, ქუთაისიდან და ბათუმიდან. თბილისისა და ქუთაისის აეროპორტებიდან პირდაპირი რეისები სრულდება, ბათუმიდან კი მხოლოდ გადაჯდომით შეძლებთ ჩაფრენას.

თბილისიდან ლარნაკის მიმართულებით შეგიძლიათ ისარგებლოთ Georgian Airways-ის, Aegean Airlines-ის, LOT-ის და სხვა ავიაკომპანიების მომსახურებით. მათ შორის, Georgian Airways გთავაზობთ პირდაპირ ფრენებს. ქუთაისიდან კი, პირდაპირი რეისით გამგზავრებისთვის, Wizz Air-ის დაბალბიუჯეტური ფრენებია ხელმისაწვდომი.

გირჩევთ, ავიაბილეთები 1-2 თვით ადრე დაჯავშნოთ. ასევე, სასურველია ფრენები კვირის დღეებში შეიძინოთ და არა შაბათ-კვირას.